Diadomingo den ora di mainta Minister di Turismo, Salubridad Publico y Deporte Sr. Dangui Oduber tabata presente na Aruba Half Marathon 2018. E mandatario a haci entrega di premionan y felicita e atletanan.
E dos ganadornan absoluto ta Jonathan Busby a core 21 km den un tempo di 1:19 y 13 seconde y den categoria di damas Lana Gobert cu nacionalidad Russiano tabata ganador. Tabata momento nan di alegria ora e atleta nan ta pasa e linea final, unda por wak abrazo, sonrisa y publico aplaudi. E Mandatario a keda hopi satisfecho pa mira asina hopi hende cu a participa y den tur edad. Deporte y movecion ta tene nos hobenan for di riba caya y alaves ta hopi bon pa salud di cada ser humano. Crusando e linea final di e Half Marathon ta un logro individual.
Minister Dangui Oduber kier a felicita tur e participantenan cu a haci e evento aki uno sumamento exitoso. Un pabien tambe na IBISA pa organisa e di 33 edicion di Aruba su Half Marathon.