Directiva Eligi di Aruba Judo Bond ta invita atletanan pa partisipa den Competencia nacional di JUDO y GRAPPLING cual ta tuma lugar diasabra awor 24 Maart 2018 na Judo Center Tanki Leendert pa 5:00 PM. Nos ta pidi pa tur atleta cu ta participa pa jega prome cu 4:30 Pm.
Clubnan invita pa cu e competencia aki ta Estrella Judo Club, Team Agua, Budo Hall, Milliard Fighting Academy, Okami Judo Club, Judo Ryu San Nicolaas y Judo Center Tanki Leendert.
Directiva eligi, ta invita e clubnan pa Inscripcion y Pisamento diahuebs awor Maart 22, 2018 di 5:00 Pm pa 6:30 Pm na Judo Center Tanki Leendert, tin di recorda tur mayor y atleta cu lo cobra Awg. 5,00 pa inscripcion. E dia aki tambe lo haña e reglanan pa cu e competencia.
Mayornan esaki tambe ta oportunidad pa trese bo jui(nan) cu no ta hasi e deporte di arte martial na nos evento, laganan wak con e deporte aki ta y sigur tur club presente por duna mayornan mas informacion di nan orario y dianan di les segun edad di e mucha/joven. Club nan y nan Sensei ta cla pa juda e mucha/joven integra su mes den e deporte di arte martial.
Nos directiva eligi di Aruba Judo Bond ta spera Pueblo di Aruba pa acudi masal na nos Competencia di Judo y Grappling 2018. Lo tin un Bar y Cushina bon surti y tambe animacion di Music Monks by Bryan Girbaran den conhunto cu DJ Version.