Cliente ta pone renchi como garantia y ora ela bin buska su renchi, e lo a haya uno falso

Tanki Leendert: Diadomingo den oranan di marduga, mientras un patruya tabata pasando dilanti Cas Casuela, nan ta wordo acerca pa un dama, kende ta bisanan, cu algun dia pasa e lo a duna un security guard di e establecimento, un renchi como garantia pa e cu su amiga por a drenta y awor cu ela bin buska su renchi bek, e security guard a dune un renchi falso.

E polis na su turno a conseha e dama y a splik’e, e camindanan cu mester cana y e dama a keda di bay recherche pa entrega un keho oficial.

Despues cu nan a caba di papia cu e dama nan a bay den e establecimento y mirando cu nan a pasa e orario permiti pa ta habri, e polisnan a duna ordo pa cera e lugar aki.