Rotonde Las Americas – Diabierna anochi a drenta informacion cu ladronnan a horta un Ford Explorer for di un cas, esaki tawata na Felicidad.
No mucho ora despues, autoridad a haya informacion, cu e auto horta a wordo señala parti pabou di e heki di Airport.
Mes ora patruyanan a cuminsa bay e direccion ey, net na nan yegada nan ta wak e auto saliendo. Nan a logra stop e auto, pero e dos hombernan aden a sali na careda.
Agentenan no pensa dos biaha y sali na pia nan tras.
Ambos a wordo deteni, un altura di Plaza Betico Croes y e otro mas pabou.
Un di nan momento cu nan a pone den boei lo a cuminsa bira malo, agentenan ta pensa cu debi cu posiblemente e ta bou un substancia tambe a pidi pa un ambulance.
Ambulance a bay warda di Playa y eynan a controla un di e ladronnan di auto. E Ford Explorer a wordo hiba cu takelwagen pa warda di Santa Cruz.