Miraflorweg – Diabierna anochi algo prome cu 9’or habitantenan ta scucha un homber ta grita den scuridad.
Esaki a sosode den e pida mondi panort di Lucky Store, den Emanstraat.
Un grito masha mahos mes.
Polisnan cu a yega na e sitio mes ora a drenta e mondi, pa wak kiko por ta pasando.
Usando nan flashlights nan a bin topa cu e homber cu tawata grita.
Loke nan a no a spera tawata cu e homber ta completamente sunu hinca den e mondi.
Segun ela contanan ta cu ela bay haci su “necesidad” y diripiente e lo a wak un colebra grandi y a spanta masha hopi mes.
Aki ta caminda e lo a cay den loke ta parse lodo, por a wak esaki na su cara y full su curpa.
Hunto cu polisnan ela bisti su yeans y nan a sali.
Agentenan a tira bista si tawata tin mas hende, pero esaki no tawata e caso.