Home » Dicon e nivelnan di Mercurio den Tuna no ta bahando for di decadanan pasa

Dicon e nivelnan di Mercurio den Tuna no ta bahando for di decadanan pasa

by Admin
0 comment 243 views
Apesar di esfuersonan di decadanan di henter Mundo
pa reduci e contaminacion di Mercurio,
e nivelnan di e metal aki cu tin den
tuna a keda halto.

E substancia venenoso aki ta sali ora cu
extrai y kima carbon y esaki ta termina den
Oceano(lama), unda e ta acumula den e
piska/nan.

E nivelnan di e substancia aki a baha
drasticamente den atmosfera, pero toch
nan a mantene na mes stabil den e tuna for di 1971.

Segun expertonan, Mercurio hopi
antiguo ta sconde den e
profundidad di lama y ta yega na
awa unda e Tunanan ta landa.

E Mercurio cu ta drenta den e
ecosistema marino ta bira
Methylmercury, e forma mas peligroso di e substancia kimico aki.

Esaki ta acomula den Tuna momento cu nan come otro piscanan contamina. Aki bo ta mira cu no solamente e Tuna tin e substancia peligroso aki.

Y e humano ta wordo exponi na e elemento aki ora come Tuna, cu ta un di e piscanan mas com’i na Mundo.

Segun e investigadornan, e concentracionnan den Mercurio no a baha manera nan a spera.

Mercurio ta un menasa
special pa fetonan(persona na estado) y muchanan chikito, pero tambe ta
relaciona cu malesa cardiovascular den adulto.

 

E FUENTENAN DI CONTAMINACION

Preocupacion di wordo exponi na
Mercurio a hiba gobiernonan di
rond Mundo pa purba di reduci e
actividadnan cu ta libera e substancia kimico aki den atmosfera.

Fuentenan principal di esaki ta:

.Mineria di Carbon y Oro
.Kima carbon
.Industria
.Tratamento di residuonan

Hasta cremacion di curpa
hende debi na e mescla di vulling(di djiente)
tambe ta suma na e total den aire.

Danki na restriccionnan haci door di diferente actividad, e nivel di emisionnan den atmosfera a baha cerca di 90% desde 1990.

Y pa wak si e medidanan aki
a influencia e nivelnan di
Mercurio den tuna, investigadornan
nan a examina e datonan di casi 3.000
muestra di musculo di tuna,
for di piscanan cu a ser captura den oceanonan Pacifico, Atlantico y Indico. Tres sorto di Tuna a wordo getest e Bigeye, e Tuna cu streep y e Yellowfin, hunto
nan ta representa 94% di e capturanan
mundial di tuna.

E RESULTADONAN NOBO

E trabou nobo ta contrasta cu otro
investigacionnan(data) cu ta mustra un
descenso di nivel di Mercurio den
algun sorto di tuna.

“Esaki ta hopi importante pasobra e
Mercurio ta bioacumula durante
bida di e animal. P’esei ta hopi
importante pa tin un amplio
rango di tamaño di piska”.

E nivelnan di mercurio den e tuna a keda mescos entre 1971 y 2022, segun cientificonan, aparte di
un aumento den Pacifico
noord-oost, na fin di e decada di
1990, esaki lo ta relaciona cu e cresemento di emisionnan di Mercurio na Asia, debi na e aumento di Carbon pa energia.

Segun investigadornan, e nivel constante(dus mescos) por ta bin tambe di emisionnan di decadanan o te hasta siglonan.

“Tin un cantidad grandi di
Mercurio hereda cu ta
den e profundidad di e oceano”,
Medieu ta splica.

“Esaki ta mezcla cu e superficie di Oceano,
unda e Tunanan ta landa momento cu
nan ta alimenta. P’esei tin un suministro
continuo di e mercurio cu ta data di decadanan of di siglonan manera ya nos a bisa”.

E TA STABILISA POCO POCO

“Nos estudio ta sugeri cu
nos lo mester di reduccion masivo di e emisionnan di mercurio pa nos por mira un reduccion di nivel di mercurio den e tuna cu nos ta come; segun e
coautora di e investigacion , Anne
Lorrain, di e Instituto Nacional
Frances di Investigacion pa
Desaroyo Sostenibel.

Asina mes cu e reduccion di emisionnan di ultimo añanan; nos lo mester tin pasenshi pa mira un reduccion di e Mercurio den Tuna, e la termina ta bisa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio