Diescinco aña pasa, un avion di e aerolinea US Airways cu 150 pasahero y 5 tripulante abordo a sufri e perdida di su dos motornan poco despues di a lanta buelo na New York.
E comandante Chesley “Sully” Sullenberger y su copiloto Jeffrey Skiles a lucha pa mantene e aeronave den aire, aunke finalmente a tuma un decision extremo: acuatiza den Riu Hudson.
C’un control extraordinario, Sullenberger a pone e aeronave Airbus 320 ariba awa y a logra pa esaki stop di un forma controla.
E 155 personanan abordo a escapa pa medio di e salidanan di emergencia. E embarcacionnan cercano a yuda cu e rescate den e awanan friu di e riu.
78 persona a sufri lesionnan of hipotermia, pero ningun di gravedad.
Sullenberger a wordo condecora y for di e momento ey e ta wordo yama e “heroe di Hudson” pa a pone na salvo tur esnan cu tabata abordo.