E aña cu ta cuminsa ta 2024 despues di Cristo, segun e calender cu mayoria di nos ta sigui den West. Sinembargo, en realidad no ta e aña 2024 despues di nacemento di Cristu pasobra segun historiadonan, e cifra ey ta resultado di un calculo cu nos awe sa cu ta fout.
Cu otro palabra: e mesias di Cristianismo lo no a nace exactamente 2024 aña pasa.
E manera cu e añanan a wordo conta tin un particularidad cu normalmente nos no a para keto un rato y pensa: No ta existi e aña O. E conteo ta bai di aña 1 a.C. pa e aña 1 d.C. Y esey por causa mas di un problema matematiko, manera ta wordo splica aki na Universidad di Valencia.
“Por ehempel, si e temperatura subi for di 4 grado bou di zero pa 4 grado ariba di zero, e cresemento ta 8 grado, pero entre e aña 4 a.C. y e aña 4 d.C. no a pasa 8 aña, sino solamente 7″, e Universidad a splica”.