250
Silvesterstraat/ Caya Calco – Diasabra atardi den careda di 5:30 ney un accidente basta serio a tuma luga na Noord.
Polis y ambulance a dirigi nan mes poco mas pariba di Del Rey Appartements, pa un accidente frontal entre dos vehiculo.
Tres ambulance a presenta na e sitio pa atende cu esnan herida.
Ta asina cu un Nissan Versa den bocht a bay mucho na man robes y pa mala suerte a topa cu un Nissan Sentra, y ta dal frontal.
Polis a cera e caminda, wardando departamento di trafico yega pa cuminsa cu nan investigacion.
Un dama y un cabayero lo ta esnan cu a wordo transporta pa Hospitaal.
