Homber cu tabata traha na un hospital a horta te hasta e camanan ortopedico

ARGENTINA: Parce cu awor te hasta e camaranan di seguridad tampoco ta yuda pasobra e ladronnan ta ingenia nan mes pa haci nan fechorianan. Y esey ta loke a pasa na Argentina ora cu un homber cu tabata labora na un hospital a horta te hasta e camanan ortopedico.
Den e caso aki, Hospital Interzonal general di San Martin de La Plata, na Argentina, tabata escenario di un hortamento insolito di parti di un su trahadonan.
E hortamento a wordo detecta danki na e camaranan di seguridad instala den varios zona di e centro medico.
E ladron identifica como Gaston Leandro Gonzalez di 30 aña, a wordo deteni pa polis y na kende a impone un castigo pa robo.