SAN SALVADOR: Miss Universo 2023, un evento di beyeza cu ta tumando luga na El Salvador, a cuminsa cu su preliminarnan y e participacion di e modelo di taya grandi, Miss Nepal, Jane Dipika Garrett, a bira viral pa su manera di kibra cu e estereotiponan y gana e curason di e publico.
E participante di Nepal a ricibi un fuerte ovacion for di e hendenan presente na e competencia preliminar di Miss Universo, un momento emocional cu a bira viral riba rednan social.
Miss Nepal a haci historia den e certamen, y a bira e prome candidata di taya grandi cu ta competi pa e corona, desafiando asina e reglanan cu a keda estableci den e concursonan di beyeza.
E ta describi su mes como un muhe dicidi, resiliente y autentico cu ta braza su berdadero esencia sin miedo. Tambe como un hende muhe fuerte, audaz y balente.
Aunke a haya comentarionan negativo for di algun hende riba internet, mayoria di hende a aplaudi e organisacion di e certamen pa a haci cambionan den nan reglanan y duna oportunidad na un variedad di hende muhernan pa participa.
Participante di Nepal a haya ovacion como e prome hende muher size grandi cu ta participa den Miss Universe
416