Grindavik ta e pueblo di Iceland cu ta sink 4 cm pa dia door di e instabilidad volcanico

ICELAND: Grindavik, e pueblo chikito situa na e parti west di Iceland, ta enfrentando un situacion alarmante unda cu e tereno ta sink 4 cm pa dia, debido na e instabilidad volcanico cu ta wordo experimenta.
E parti west di e pueblo a hundi den mas di un meter, marcando un desaroyo cu ta preocupa tanto autoridadnan como habitantenan. E Oficina di Meteorologia di Iceland a lansa un advertencia serio, indicando cu e instabilidad volcanico cu ta afecta e peninsula zuid-west, caminda ta ubica Grindavik, por prolonga su duracion pa decadanan.
E temor pa un erupcion inminente y e consecuencianan di e teremotonan a yega na tal punto cu a tuma decision pa evacua henter e pueblo. Residentenan di Grindavik ta bibando awe cu e incertidumbre di kico por sosode proximamente.
Autoridadnan di emergencia a activa nan plan di evacuacion pa asina garantiza seguridad di tur hende den e area. Mientrastanto, e Oficina di Meteorologia ta monitorea continuamente e situacion pa duna informacion actual y confiable na e comunidad.
Locual ta hopi claro ta cu e pueblo di Grindavik ta den un situacion critico, y cu tur medidanan mester wordo tuma pa proteha e bida di su habitantenan.