Muher na Merca cu dos matriz ta na estado den tur dos

ALABAMA: Un muher di 32 aña procedente di Alabama, Merca, a duna su docter un sorpresa dobel: e dos matriz cu el a nace cu ne a wordo fecunda y awor e ta na estado den tur dos.
Kelsey Hatcher, ken ta trahando un diario di su condicion riba su cuenta di Instagram “doubleuhatchlings”, a haya sa ora e tabatin 17 aña cu e tin ‘uterus didelphys’, un condicion straño den cual ta desaroya un matriz dobel cu ta afecta 0.3% di hende muher.
Durante un echo di rutina na Mei, e masahista terapeutico y mama di tres yiu a haya sa cu no solamente cu e biaha aki e lo haya morocho, sino cu cada feto ta presente den cada un di e matriznan.
E embarasonan den ambos matriz ta hopi inusual. A bisa Hatcher cu e posibilidadnan tabata den 1 den 50 miyon. E caso mas recien ta di un muher di Bangladesh, cu ora e tabata tin 20 aña, el a haya yiu morocho, cu un diferencia di 26 dia entre ambos nacimento.
Hatcher ta sperando haya su babynan muher pa Pasco y ta confia di por haya nan cu parto natural.