Den 2 aña 59 colombiano a muri relaciona cu uzo di ‘vape’

BOGOTA: Ya caba tin un total di 50 fayecimento na Colombia cu lo por ta relaciona cu ‘vaping’, esaki segun un estudio recien publica den e corant Brasilero di Neumologia. E documento ta destaca cu e departamentonan cu mas morto debi na e malesanan relaciona cu e practica aki ta Antioquia (69 %) y Boyacá (27 %).
E investigacion ‘Prome indicionan riba malesanan asocia cu ‘vaping’ na Colombia’ a demostra, a base di datonan colecta di e ultimo Encuesta Nacional di Consumo di Substancianan Psicoactivo (2019), cu 245 caso di malesanan lo por ta relaciona cu ‘vaping’.
Algun di e consecuencianan ta entre otro lesionnan di pulmon grave, pasando pa ‘bronkiolitis obliterante’ (malesa pulmonar di e usuario di vape) te hasta daño pulmonar agudo.
Maske ta trata di un practica recien cu ainda ta wordo investiga, e riesgonan pa salud asocia cu ‘vaping’ ta varia segun e productonan specifico utilisa y nan composicion. E likidonan di ‘vape’ por contene nicotina, substancianan kimico, aromatisantenan y otro elementonan potencialmente dañino.