Un decision nobo di Dicasterio(Ministerio) pa Doctrina di Fe di Vaticano a habri e porta pa bautismo Catolico pa personanan trans y baby nan di pareha di mesun sexo — mientras nan ta clasifica e estilo di bida di personanan homosexual manera pecador. E resolucion a wordo acepta bon pa e comunidad LGBTQ, pero a wordo menosprecia pa e conservador nan.
E relacion cu personanan trans, e documento ta bisa cu un persona cu ta identifica su mes como un transexual por ser bautisa manera cualkier otro adulto, “semper cu no tin riesgo pa causa escandalo of desorientacion” na otro Catoliconan. Un mucha cu ta identifica nan mes como transgender tambe por ser bautisa si nan ta “bon prepara y dispuesto”. E documento ta bisa tambe cu personanan transexual, incluyendo esnan cu a pasa pa procedimentonan di reassignacion di genero, por ta padrino y testigo den bruid Catolico bou di circumstancianan adecuado.
Yiunan di pareha di mes sexo tambe por wordu bautisa, semper cu tin un “esperansa funda cu nan lo wordo educa den religion Catolico”.
E documento ta clarifica cu personanan cu ta biba den relacion homosexual ainda ta comete un pica, y cu e bautismo mester bay hunto cu e arepentimento pa cu e picanan aki. E documento ta referi na diferente predicashi di Papa Francisco pa sostene su sentencia.