Home » Prome transplante mundial di wowo y cara a tuma lugar na New York

Prome transplante mundial di wowo y cara a tuma lugar na New York

by Admin
0 comment 144 views
NEW YORK:  Un team di ciruhanonan di NYU Langone Health di New York a realiza cu exito e prome transplante na mundo completo di wowo den un persona bibo.
Despues di un accidente laboral cu a pon’e perde e wowo banda robes y parti di su cara, Aaron James a haya un oportunidad nobo.
E operacion di Aaron a duna 21 ora y a consisti den transplanta henter e wowo robes y parti di e cara di un unico donante. Tabata un primicia medico.
Segun su team di mediconan, e wowo di Aaron ta presenta signonan notabel di salud. Aunke e no por wak cu e wowo ey, e ta mantene e speransa cu su vision ta bay yega cu tempo y cu su operacion, e prome di e tipo aki, lo por contribui cu e avance di e medicina di transplantenan.

You may also like