215
INGLATERA: Cuater homber a wordo acusa di horta un WC di oro di 18K di e palacio Blenheim, pazuid di Inglatera, declara Patrimonio di Humanidad door di UNESCO.
E WC cu a wordo balora den 5.9 miyon dollar tabata forma parti di un exposicion di arte di un artista conceptual italiano.
E ladronnan a drenta den e palacio cu dos auto y nan a bay cu e WC na un momento determina prome cu 5’or di marduga di 2019. James Sheen di 39 aña, a wordo acusa pa hortamento y otro dos delito relaciona cu e transferencia di propiedad criminal.
E otro tresnan, Michael Jones, Fred Doe y Bora Guccuk, tambe di 30 aña, tambe a wordo acusa. E cuater hombernan lo mester presenta den corte dia 28 di November proximo pa scucha veredicto di hues.