Caracas – Venezuela
Autoridad Venezolano a anuncia un orden di aresto contra e opositor Juan Guaidó, e expresidente di Asamblea Nacional, asina e fiscal general di e pais, Tarek William Saab.
Esaki a sosode durante un conferencia di prensa na Caracas, Saab a bisa cu Guaidó a “usa recursonan” di e compania petrolero estatal PDVSA “pa financia su mes, paga su gastonan legal, y a obliga PDVSA pa acepta su condicionnan di refinanciamento”.
E fiscal a agrega cu “e decisionnan aki a causa perdida na e nacion di mas o menos US$ 19.000 million, y a resulta den e perdida casi definitivo di Citgo,” un filial di PDVSA cu Saab a defini como “e activo mas importante di Venezuela den exterior.”
Saab a bisa tambe cu nan lo solicita un Red Alert contra Guaidó na Organisacion Internacional di Polis (Interpol). E orden di detencion lo ta pa e delitonan di traishon na patria, extorsion di funcion, ganancia ilicito of extracion di placa, balor, y bienes publico, labamenti activo, y asociacion, segun Saab.
Guaidó ta nega e acusacionnan aki.
Fuente: CNN