Palm Beach – Diadomingo marduga den careda di 2’or polis a bay cu urgencia altura di e gasoline station di Palm Beach, unda un brommer a accidenta.
E accidente a sosode net unda cu tin e construccion andando pa pone tuberianan nobo.
Manera sa e caminda ta cera cu heki unda e construccion ta tumando luga. Aki un brommer a pasa cu velocidad halto door di e heki dal contra un pidi lanta memey caminda y termina den locual nos bisa ta un gleuf memey di caminda.
Eyden e la keda benta te ora Paramediconan a presenta y a papia cu ne pa mira kiko e ta sinti y si e mes por sali sin cu mester di usa por ehempel Brandweer.
Despues di a haci’e varios pregunta, nan a yude sali y subi’e ariba e brancard.
Di eynan e la wordo transporta pa Hospitaal.
Un familiar/conoci a yega net momento cu e ta den e ambulance; pa asina haya sa situacion di e motociclista cu sigur lo no lubida e marduga di oktober 1 2023.
Takelwagen a presenta pa a bay cu e brommer.
