Venezuela
Diahuebs e dos seadoo nan cu dos homber a tuma sin a horta na Aruba a wordo recupera den e sector di La Macolla, esaki ta den e municipio Falcon segun informenan di Zona Operativa di Defensa Integral Marítima e Insular Occidental 72 (Zodimainoc) bou di guia di Vicealmirante Andrés Arbeláez Duarte.
Danki na e vigilancia continuo cu tawata tin riba nan y pa e delito cu a wordo raporta na tempo, e forsanan militar a intensifica e plan di observacion cu a permiti nan di recupera e seadoo nan y detene un di e esnan envolvi den e ladronicia.
Despues di a tuma nan na Aruba y sali for di e isla den un persecucion, e Unidadnan di Respuesta Inmediata Marítima Barracuda (URRA) 181.1 a wordo activa den henter e península di Paraguaná, aunque nan a enfoca mas ariba e area di Cabo San Román.
E seadoo nan a drenta un boca nan Punta Macolla na momento cu e team cu a detene un di esnan envolvi den e ladronicia, manteniendo e buskeda pa e otro cu a logra huy door di e matanan di e zona.”
“E detenido a keda identifica bou e nomber di José Gregorio Olazabal Zavala(34) Venezolano, di Los Taques, estado Falcón, a confisca tambe dos cellular y un pasapoort.
Esaki a ser transporta pa e warda di Guardacosta na Punto Fijo y despues pa oficina di CICPC Punto Fijo, pa cuminsa e investigashonnan y sigui cu prosedimento hudicial corespondiente, bao supervicion di Ministerio Publico Venezolano.