Un estudio a demonstra cu uso di Vape por reduci e tamaño di e testiculo.
Un estudio realisa pa expertonan na Turkia a demostro cu vaping generalmente ta asocia cu un reduccion di sperma, un bahada di libido y tambe por haci cu e testiculo ta krimp.
E investigacion a wordo haci ariba raton nan macho y a consisti di test e efectonan ora bo wordo exponi na e huma di un sigaria electronico y sigaria tradicional pa analisa e efectonan ariba salud sexual di e bestianan.
Den e estudio, publica na juli den revista Science Direct, e cientificonan a splica con nan a hasi e analisisnan. Prome, nan a midi e cantidad di sperma produci pa e animalnan, e apariencia di nan testiculonan bao microscope y e marcadornan di stress den sanger y den nan genitalianan.
Mester tene na cuenta cu, aunke e likido di sigaria electronico ta presenta su mes como algo no peligroso den estudionan pa stop di huma, e por aumenta e stress oxidativo y por causa cambionan den e celulanan di e testiculonan”, asina cientificonan a indica.
Ademas, nan a subraya cu e sigaria normal, ta asocia cu infertilidat masculino, ta ainda mas perhudicial den terminonan di disminucion di e conteo di sperma y alteracion di e funcion sexual.
Desaroyo di e investigashon
Expertonan di University of Cumhuriyet na
Sivas naTurkia, a separa e animalnan di laboratorio den tres grupo. Un di e gruponan a wordo exponi na huma tradicional di sigaria, un
otro na e huma di un sigaria electronico y un
tercer grupo no a wordo exponi na nada.
E ratonan a wordo poni den boternan specialmente diseña pa absorbe e huma dos biaha pa dia, durante un ora.
E resultadonan a demonstra cu e bestianan exponi na e huma tabatin un conteo mas abou di sperma: o sea di 95,1 miyon di
sperma pa mililitro contra 98,5
miyon pa mililitro den e grupo controla cu no a
wordo exponi na e huma.