Desde juni di aña 2023 Sr. Arno Willems ta representante Real di Patrona Su Altesa Real (S.A.R.) Prinses Beatrix pa Dutch Caribbean Nature Alliance (DCNA). E ta sucesor di Sr. Jaap van Leeuwenburg, kende a ocupa e cargo di aña 2009 pa aña 2023 y a hubila recientemente. DCNA ta un organisacion sin fin di lucro estableci pa proteha naturalesa y pa promove maneho sostenibel di e recursonan natural na e seis islanan di Caribe Hulandes.
Señor Arno Willems (1959) a studia silvicultura na Landbouwhogeschool na Wageningen. El a traha entre otro na e mesun hogeschool, na Staatsbosbeheer, na Ministerio di Agricultura, Naturalesa y Calidad Alimentario y na Mali pa Fundacion Boluntario Hulandes. Tambe el a traha como consehero na Balkan, Kaukasus y na varios pais Africano. Su campo di actividad ta inclui silvicultura, conservacion di naturalesa y agricultura. Desde aña 2013 e ta rentmeester di Kroondomein Het Loo, un tereno real di mas di 10.000 hectar. Segun e, maneho di naturalesa ta principalmente trabou humano y anda cu naturalesa ta masha sensato: “Nos tin solamente un di nan! “
“Nos ta extremadamente orguyoso di Patrona di DCNA, Su Alteza Real Prinses Beatrix. Su Alteza Real Prinses Beatrix tin un vinculo special cu Caribe Hulandes y semper a apoya nos trabou pa proteha e bunita naturalesa tropical. Tambe nos ta masha agradecido pa su apoyo y agradabel cooperacion cu su ex representante, Sr. Jaap van Leeuwenburg. Nos ta spera di continua e trabou cu Sr. Arno Willems”, Hellen van der Wal, presidente di DCNA a bisa.