412
Djaluna 14 di ougùstùs 2023, alrededor di 05.00’or di mainta, personal di Divishon di Krímen Organisá a tene un entrada hudisial na un kas den Kaya Barbulete esaki ta den kuadro di un investigashon penal ku ta andando enkonekshon ku un kaso di violashon di lei di arma di kandela.
Durante di e entrada hudisial aki a haña i konfiská:
✅un arma outomátiko;
✅kashi di bala i bala skèrpi;
✅un chaleko antibala.
Na e sitio polis a detené e hòmber sospechoso R.I.L. di 33 aña di edat nase na Kòrsou, enkonekshon ku violashon di lei di arma di kandela.
A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.