Kralendijk – Den e lunanan benidero Stadion di Playa, ku ta keda den sentro di Kralendijk, lo ser someté na un mantenshon grandi. Intenshon ta pa e kompleho deportivo aki bolbe bira agradabel pa hasi uso di dje.
Den kuadro di siguridat lo demontá e tribunanan i lo remplasá e lusnan. Debí na e trabounan (di slopmentu) e stadion lo no ta aksesibel pa públiko for di medio yüni te fin di sèptèmber. Pa organisá i/òf presensia partidonan por hasi uso di e stadion na Rincon.
Siguridat na promé lugá
Terrence de Jongh, direktor di Instituto di Deporte Boneriano (Indebon) ta bisa: “Nos ta komprondé ku e renovashon lo por kousa inkombeniensia, pero loke ta mas importante ta, ku por praktiká deporte na un manera sigur atrobe den e stadion. Huntu ku usuarionan, Indebon lo buska sitionan alternativo, di manera ku e aktividatnan por sigui normal.”
No pa publikashon
Pa mas informashon/petishon di prensa i similar, bo por tuma kontakto ku Terrence de Jongh via email [email protected] i/òf telefòn +599717-2211 ext 5318.