E Administracion di Alimentonan y
Medicamentonan di Merca (FDA) a otorga aprobacion completo diahuebs
na e medicina contra Alzheimer yama Leqembi.
E prome medicina cu ta eficas y prueba pa retarda e curso di e
enfermedad cu ta destrui memoria.
Leqembi, desaroya pa e companianan farmaceutico Eisai y Biogen, a ricibi aprobacion acelera na januari caba, basa ariba pruebanan cu ta mustra cu e ta elimina acomulacion di calki yama amiloidi den sanger cu ta relaciona cu e enfermedad di Alzheimer.
Sinembargo, debi na un decision anterior di
cobertura di CMS(seguro), cu ta cubri seguro na hopi persona major cu ta sufri diAlzheimer via Medicare, e medicina no a wordu usa ampliamente. E tratamentu tin un costo di $26.500 anualmente prome cu e cobertura di seguro.
E Centro di Servisio di Medicare y Medicaid (CMS) a informa ariba diahuebs cu nan lo amplia e cobertura di e medicina, cu lo extende e acceso na un miyon di persona cu detecta e enfermedad trempan ariba nan.
“E desicion di diahuebs ta e prome verificacion cu un medicina dirigi na e enfermedad di Alzheimer a mustra beneficioso clinicamente den e enfermedad devastador aki,” Teresa Buracchio, directora interino di Oficina di Neurociensia di Centro di Evaluacion y Investigacion di Medicinanan di FDA, a declara den un anuncio.
“Estudionan confirma a verifica cu e ta un tratamentu sigur y efec tivo pa personanan cu e enfermedad di Alzheimer.”
Pues esaki ta un bon noticia mes, pa miles di persona cu ta sufri di e enfermedad aki na Aruba.