Home » Truck di Serlimar a ranca waya di coriente, haciendo daño na casnan y tambe na e parti patras di e truck a pega candela

Truck di Serlimar a ranca waya di coriente, haciendo daño na casnan y tambe na e parti patras di e truck a pega candela

by Admin
0 comment 265 views

Montaña: Diabierna den oranan di mainta den e area di Montaña, pa ser exacto, riba e caminda pariba di Compleho Deportivo Frans Figaroa, chauffeur di un truck di Serlimar no lo a calcula haltura di un waya cu lo tabata colgando un poco abou y a kere cu e truck lo por pasa bou di e wayanan aki, pero lamentabelmente esaki no tabata e caso, Etruck a ranca e wayanan cu consecuencia cu algun palo di lus tambe a wordo ranca, y riba dje e wayanan di coriente a keda pega na e parti patras di e truck.

Mirando cu e wayanan ainda tabata tin coriente riba nan y nan tabata sacando chispa . Un di e chispanan aki lo a cay den e baki unda ta deposita e sushi y probablemente lo a bay den contacto cu e sushi cu tabata tin den e truck y a pega candela..

Mesora a pidi pa presencia di polis, brandweer y ELMAR. Dos truck di brandweer a yega hopi lihe na e sitio y a cuminsa combati e candela, pa asina e no sigui expande Nan mester a saca tur e sushi for di e baki pone nan canto di caminda, pa asina evita cu e candela sigui expande y haci hopi mas daño na e truck. E dañonan material den e incidente aki tabata considerabel. ELMAR tambe a presenta na e sitio pa asina cuminsa mesora cu e trabounan necesario.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio