Diadomingo dia 2 di juli ultimo, nos Pais ruman Corsou a celebra Dia di Bandera. Pa e ocasion special aki Minister di Finansa y Cultura Xiomara Maduro a representa nos Pais na e ceremonia riba Brionplein. Tabata un bunita ceremonia cu a wordo acompaña pa un bunita programa cu discurso, reconocemento na ciudadanonan cu a destaca, manifestacion cultural y musica.
Pa Minister Maduro tabata un placer pa por a comparti un rato cu e mandatarionan di Gabinete Pisas y tambe pa por a combersa cu algun Parlamentarionan di Pais Corsou. E ta importante pa e lasonan di hermandad entre Aruba y Corsou semper keda fuerte, y pa nos ta presente na momentonan cu ta importante pa nos Pueblonan. Minister Maduro ta felicita y gradici e Pueblo di Corsou pa recepcion cariñoso pa e mandatario na su yegada na Plaza Brion y pa e hospitalidad brinda na Dushi Corsou.