Cinco detencion: Cobramento di boet ta sigui, diabierna lo ta ultimo dia

Oranjestad

Awe dos ploegdi CEA a sali awe tempran y ya pa 6’or a yega cas di e prome hende cu debe di boet.

En total nan a bishita 34 cas pabao y pariba di brug y a detene 5 persona.

Mañan ta diahuebs, e penultimo dia. OM ta keda habri non-stop te 3.30’or y na Warda di San Nicolas tambe nan por paga te 12’or di merdia. Riba diabierna OM lo ta habri te 12’or di merdia y djey ta rond af pa wak na ki total a yega. Mi lo laga boso sa y mi ta spera di por duna un bista riba e cen tambe cu a logra cobra.