Home » Boksmento entre dos boto local altura di Barcadera; un capitan tawata burachi

Boksmento entre dos boto local altura di Barcadera; un capitan tawata burachi

by Admin
0 comment 181 views

Barcadera – Diasabra anochi alarma a wordo bati pa un incidente lamentabel ariba lama na Barcadera.
Un famia completo a pasa den un susto di nan bida, ora cu nan tawata direccion rif.

Locual a sosode; e boto yama CHLOE cu un total di 8 persona aden di cual 2 menor ta wordo gedal door di un otro boto, di cual e capitan tawata burachi.

Segun informacion, esnan den e boto Chloe lo a trata di haci tur seña posibel y tawata grita pero asina mes e boto yama Palo Bieu a bin dal contra nan. Den e impacto un mucha a wordo herida y tawata mester di atencion medico.

Despues di e incidente aki, mesora a bati alarma via Marine Radio pa pidi auxilio.

Un persona abordo di e boto di famia a risca su bida door di bula na awa y subi e otro boto pa stop e motor. Y di e manera aki lo a ripara cu e homber ariba dje tawata bebi.

Mientrastanto ariba e waf di Barcadera a presenta Ambulance, Polis y Slachtofferhulp pa duna nan asistencia. E menor di edad a ricibi atencion di Paramediconan y segun nos a compronde e lo a wordo hiba Hospitaal pa observacion.

Famia a keda desapunta, na momento cu Kustwacht no a actua contra e capitan di e boto yama PALO BIEU, unda cu na final e Capitan por a bay su cas sin ningun consecuencia.

Mientras cu e famia ta pasa den un susto grandi y un criatura ta resulta herida.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio