168
Caya G.F.Betico Croes – Diaranson anochi den careda di 10:15 polis y ambulance a bay poco pabou di rotonde di Dadelstraat pa un accidente cu hende herida.
Dos Kia Optima
Na yegada di polis nan ta topa cu dos auto di mesun marca y mesun modelo, tawata trata di dos Kia Optima.
Chauffeur di e Kia Optima preto cu ta un dama, ta esun cu a resulta cu corta na area di cara/cabes.
Falta di preferencia
Na e sitio por a compronde cu e Kia Optima shinishi a bay pa drenta un caya na su man robes y ta wordo gedal door di e Kia color preto.
Ambulance cu a yega e sitio a controla ambos chauffeur, pero esun mas herida manera nos a bisa caba tawata e señora na stuur di esun preto.
Paramediconan a opta pa transporte pa Hospitaal, unda e lo mester haya tratamento pa su cortanan.
Caminda a permanece cera pa algun rato te ora polis di trafico a termina cu nan investigacion.