Criatura herida despues cu su pia a pega den un porta

Caya Papa Juan Pablo II – Diahuebs mainta algo pasa di 10:30 polis y demas unidadnan di rescate a sali direccion un negoshi situa unda antes tawata Arugas na Dakota. Esaki tawata debi cu un mucha su pia lo a pega den un porta, aparentemente lo tawata trata di un elevator/lift.

Dos patruya di Playa cu tawata cerca mesora a yega pa mira e situacion. Segun esnan den e luga e lift lo a cuminsa move cu e pia di e mucha pega.
Brandweer y Materiaalwagen a yega na e sitio hunto cu Paramediconan, pero bomberonan no tawata mester a drenta accion debi cu e prome unidad di Paramedico a logra pone e criatura ariba e cama caba.

Despues di algun minuut e prome unidad di Paramedico a sali cu e criatura cu ta un mucha muhe y por a mira su pia robes parti abou den verband, su mama tawata cu ne.

Polisnan a keda di notifica slachtofferhulp di e caso aki.