Home International Antonio de la Cruz (47), ta e di 12 periodista cu a...

Antonio de la Cruz (47), ta e di 12 periodista cu a wordo asesina e aña aki, na Mexico

SHARE

Ciudad Victoria, Estado Tamaulipas, Mexico:

Diaranson mainta e periodista Mexicano, Antonio de la Cruz (47) saliendo di su cas a wordo tira fatalmente dilanti su porta di cas. Antonio tabata den compania di su yiu muhe di 23 aña, kende a keda seriamente herida. Esaki Fiscal di e estado y e directo di corant caminda e tabata traha a duna di conoce.

Antonio de la Cruz, 47, ta un reportero pa e corant local Expreso y tabata haciendo e trabou aki pa casi 30 aña. Antonio ta e di 12 periodista cu a wordo mata e aña aki na Mexico.

De la Cruz tabata biba na Cuidad Victoria cu ta e capital di e estado Tamaulipas. Tamaulipas ta keda frontera cu Merca. E area aki ta conoci pa violencia cu ta relaciona mayoria di bes cu organizacionnan criminal.

E corant Expreso ta cubri tur sorto di noticia di e cuidad, incluyendo temanan di seguridad. De la Cruz tabata raporta tocante diferente temanan di e pais y tambe problemanan social cu tin na e pais, por ehempel scarsedad di awa.

Tambe e ta cubri noticianan di e Partido Politicio Movemiento Cuidadano y ta e deputado local Gustavo Cardenas Gutierrez, kende a condena e asesinato aki.

Segun e director di e Corant a bisa den un entrevista na television: “De la Cruz tabata bon na altura di e realidad di Tamaulipas y e tabata un persona cu hopi corahe.” ” Nunca e la yega di expresa su preocupacion na e redacion di e corant”.

E corant Expreso tabata e blanco durante varios aña. Na 2012 un di e añanan mas pio relaciona cu violencia di e cartelnan di droga, un autobom a explota dilanti di e edificio di e corant. Na 2018 un ice jug cu cabes di un persona den dje, a wordo laga a tras na e oficina di e corant, cu un aviso pa stop y no raporta mas tocante e violencianan cu ta sosode den e cuidad.

E gobernador di Tamaulipas, Francisco Garcia a priminti di investiga e asesinato di e periodista De La Cruz, pa asina e acto criminal cobarde aki no keda sin wordo castiga.

E fiscal di e estado a bisa cu e unidad specialisa den investiga crimennan contra libertad di expression, a wordo poni na altura, pa habri e investigacion.

Otro periodistanan Mexicano cu a wordo asesina e aña aki. luna pasa dos periodista di un website di noticia a wordo asesina na e estado di Vera Cruz. Yessenia Mollinedo Falconi y Sheila Johana Garcia Olivera tabata traha pa e online news site El Veraz na Cosoleacaque.

Maart ultimo na e estado di Michoacane e reportero Armando Linares a wordo tira na su cas den e cuidad Zitacuaro. Esaki despues di 6 siman cu su colega Roberto Toledo di e mesun media Monitor Michoacan a wordo asesina. Pa casualidad ta Linares a raporta e morto di su colega Toledo dia 31 di januari 2022.

Na cuminsamento di maart, e periodista cu ta cubri noticia di crimen Juan Carlos Muñiz a wordo mata. Juan Carlos tabata traha pa e online news website Testigo Minero di e estado Zacatecas.

Jorge Camero, Director di un online news website a wordo mata fin di februari na e parti nort di e estado Sonora.

Comienso di februari, Herbert Lopez, director di e online news website Noticias WEB, a wordo tira fatalmente na e parti zuid di e estado Oaxaca.

E reportera Lourdes Maldonado Lopez a wordo haya morto den su auto na Tijuana riba 23 di januari 2022. E la wordo tira fatalmente. Durante un conferencia di prensa na 2019 Maldonado Lopez a bisa e presidente di Mexico cu e ta teme pa su bida.

Riba 10 di januari e reportero José Luis Gamboa a wordo likida na e estado di Veracruz.

E fotografo di crimen Margarito Martínez a wordo tira dilanti su cas na Tijuana dia 17 di januari.