Home Dutch Kingdom Corsou: Bashamento di bala a laga un persona sin bida durante wega...

Corsou: Bashamento di bala a laga un persona sin bida durante wega di futbol

SHARE
Willemstad – Diaranson anochi Corsou a wordo sacudi un biaha mas pa un caso di tiramento cu final fatal.
Video viral

Ariba imagen di un video cu a bay viral durante un wega di futbol bo por a scucha un cantidad di tiro, cu a pone tur hende core sconde.

Problema ey mes

Un homber hoben cu lo a bin mira e wega ta esun cu a ricibi varios impacto di bala den pecho, for di e sonido di e video por deduci  cu lo a trata di arma automatico debi cu e tironan tawata constant.

Dos homber cu arma automatico lo a yega y tira dirigi ariba e homber, yenando e cu bala unda cu e no ta sobrevivi e atake.

E veld aki di FFK lo ta dispone di varios camara di seguridad cu lo por yuda autoridad resolve e asesinato aki cu ta mustra di tawata un reglamento di cuenta.