Arnold M. Schuttestraat – Diaranson den oranan di merdia brandweer a sali cu urgencia direccion Renaissance Wind Creek Aruba Resort, und un guest lo tin intencion malo cu su bida, o sea e lo tawata kier a bula for di su camber.
Unidad di Bombero
Bomberonan cu tawata esnan prome na e sitio a bay ariba, pero mucho cos nan no mester a haci.
Y por a miranan baha bek y bandona e sitio.
Team di slachtofferhulp
Durante cu e esaki tawata tumando y den casonan asina cada minuut ta conta por a mira algun personal di slachtofferhulp core drenta e hotel y bay unda e homber turista ta.
Ambulance y transportwagen
Algun minuut despues Ambulance y transportwagen a presenta na e entrada principal abou.
Pero nan no a sali cu e guest di eynan.
Autoridad hunto cu personal di e hotel a opta pa saca e homber via Havenstraat.
Transportwagen mester a bay unda empleadonan ta drenta via Havenstraat y eynan un grupo grandi di polis tawata tin e homber wanta y a pone den e vehiculo pa asina hibe Hospitaal. Mester remarca cu e homber tawata calmo momento cu polis a atende cu ne.
Un dama cu tawata hunto cu e homber a compaña e team di slachtofferhulp y nan a subi auto y bandona e sitio.
No ta conoci si e homber tawata bou di influencia di un of otro substancia of ta sufri di un of otro enfermedad mental.
