Oranjestad – Aruba
Diabierna mainta a trata e caso den e corte di conocido locutor Elvis Weert. Arubanative a compronde cu Fiscal ta haya cu Weert ta culpabel y Psycologo ta haya cu Weert tin un actitud narcista.
Pero Psycologo ta haya cu Weert sa kiko ta malo y kiko ta bon. E pregunta cu a bin dilanti ta tambe si tin mas victima cu ainda no ta conoci.
Elvis Weert tawata satisface su sed sexual door di abusa di muchanan.
Weert ta ser haya culpabel di a viola tres mucha entre 14aña cu 16aña.
Manera nos a bisa anteriormente, no ta descarta si e lo por a abusa di mas mucha. Weert lo a causa tambe dos abortus.
Padrastro
Weert como padrastro mester a keda leu di yiunan di su pareha, pero e la dicidi di tene relacion sexual cu nan. Esaki a afecta e muchanan seriamente.
Den un carta di e dama G., e ta mustra con esaki a afectanan enormemente.
Mirando con serio e caso aki ta, Fiscal ta haya Elvis Weert culpabel di a viola tres menor di edad y causa 2 abortus.
Fiscal a exigi 12 aña di prison pa Weert.
Segun nos a compronde lo tin dos caso contra Elvis Weert.
Mas atardi nos lo tin un relato amplio di caso aki, cu ta uno sumamente serio debi no ta trata solamente di un menor sino varios.