Tanki Leendert – Diamars anochi algo pasa di 11’or a sosode un otro caso di tiramento ariba cayanan di Aruba.
Tawata den careda di 11’or pasa cu vario unidad a bay un establecimiento conoci, unda cu un homber lo a saca arma y tira varios biaha den halto.
Polisnan cu a yega hopi lihe mesora a drenta for di ambos banda cu ta bay pa e establecimiento.
Den e un manera tactico y yuda door di hende eybanda mes a señala e homber cu lo a tira.
Esaki a conduci den detencion mesora di e homber aki. Polisnan lo a haya e arma, aunke e homber ta nenga di sa algo.
E area a wordo cera pa asina polisnan haci nan investigacion.
Locual a capta atencion tawata cu e homber deteni na sitio nocturno aki posiblemente ta cuadra cu locual a wordo bisa na Mandolinstraat, esta esnan cu a pasa tira tin dreadlocks.
Departamento tecnico cu tawata na Mandolinstraat sacando potret di e huls/nan haya mester a bin Tanki Leendert pa e mesun motibo.
Unicamente cu e biaha si a haya un persona cu arma y lo bay test su mannan pa polvo tambe.
Transportwagen a presenta y a transporta e homber aki pa warda di Shaba, unda e lo papia cu un Sub Fiscal y wordo cera pa mas investigacion .
