Home Local Aruba Bank ta reconoce su empleado superior pa luna di december

Aruba Bank ta reconoce su empleado superior pa luna di december

SHARE

ORANJESTAD, Aruba – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.

E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.

Soraya Tromp a ser seleciona durante di luna di december pa habilidad di traha den ekipo y busca un solucion rapido pa brinda un experencia superior na cliente.

Nos Senior Officer na Aruba Bank, Soraya, ta practica ciclismo den su tempo liber disfrutando di e bunita paisahenan na Aruba.

Aruba Bank ta felicita y gradici tur e miembronan di e famia di Aruba Bank cu a wordo nomina pa yuda brinda tur cliente “Un Experiencia Superior”. Pabien Soraya!