Den siman ku a pasa aki, huntu ku koperashon di brantwer, CRA a organisá nan promé kurso di prevenshon i kòntròl di kandela, pa pèrsonalnan di diferente restourant, ku meta di haña sufisiente informashon kon pa prevení, limitá i tin kòntròl di un kandela (chikí) na nan restourant. Esaki ta pa e pèrsonal por aktua lihé pa evitá hopi daño di kandela, por ehèmpel den un kushina. E kurso a toka e siguiente temanan: komienso di kandela, kon pa evitá un kandela, peliger di eskplotashon di un bòm di gas (chikí), limitá un kandela, uzo di ekiponan di blùs i kon pa apliká e tipo di blùsnan, e termino evakuashon / alega i plan di alega.
E ta un kurso di 2 dia di kual ta, 1 dia di teoria i 1 dia di práktika. Na final di e kurso tur partisipantenan ta risibí un sertifikado serka Mr. Andy Loefstok (brantwer). Den e próksimo lunanan, CRA lo organisá mas di e kurso aki. Pa por partisipá por registrá na: [email protected]
