Home Dutch Kingdom Delano Geerman, ta primo di e cabesante di un banda asesino, cu...

Delano Geerman, ta primo di e cabesante di un banda asesino, cu por ta gelink na Ridouan Taghi

SHARE

Por lesa riba medianan social cu Delano Geerman (21), e sospechoso cu a los varios tiro riba e journalista di crimen Hulandes Peter R. de Vries, no ta Arubiano, aparentemente cu di chikito e lo a wordo reconoci pa un homber Arubiano, cu lo ta of tabata pareha di su mama. Te hasta por lesa riba medianan social cu Delano Geerman a yega di bishita Aruba algun biaha.

Amsterdam, Hulanda:
Segun media na Hulanda e sospechoso Delano Geerman (21) cu ta biba na Rotterdam, e ta primo legitimo di criminal grandi Jaouad ‘Joey’ W. sentencia cu 13 aña castigo di prison, den e caso 26koper na aña 2015/2016.

Jaouad ‘Joey’ W. tabata e sospechoso principal den e investigacion 26koper, relaciona cu un ‘banda asesino’ y hayazgo di un arsenal grandi di armanan di candela den un garashi na Nieuwegein. Den e arsenal aki autoridad a bin topa cu 92 arma di candela den cual 38 tabata arma automatico, 9 granaat, bulletproof vest, kalasjnikov, Uzi etc. E arsenal tabata pertenece na e banda aki, nan tabata establese den area di Utrecht, e banda tabata prepara y ehecuta varios asesinato na diferente parti di Hulanda.

E tempo ey ainda autoridad no tabata tin un bon bista riba Ridouan Taghi.

E investigacion riba e intento di likidacion di e journalista di crimen Peter R. de Vries ta den ful swing.  Dos sospechoso ya caba ta cera cu tur limitacion.

E recherchenan a cuminsa cu un investigacion grandi y ta laga tur posibel scenario habri, pa mira  si acaso e intento di asesinato di Peter R. de Vries tin un link cu Ridouan Taghi of ta gelink cu un of otro persona.