Tanki Leendert – Diasabra marduga segun e ora tawata pasando e teamnan di polis cu tawata ariba caya for di oranan trempan di diabierna anochi a bay Blue Moon.
Esaki ta un otro establecimiento nocturno ariba e “strip” di Tanki Leendert, cu na varios ocasion sa tin problema.
Tawata den careda di 2’or a.m cu un unidad di polis a bay e luga aki, cu no tawata tin luga pa pone un alma mas di yen cu e tawata. Tanto paden y pafo.
Esaki ta un parti cu esnan concerni mester para keto y analisa bon.
Manera e establecimiento aki tin mas, pues nan espacio no ta grandi y ta carga un X cantidad di hende. Pero, asina mes bo ta haya cu “nan” ta surpasa barbaramente e limite cu e luga tin.
Pa duna algun ehempel, imagina presenta un tiroteo of un candela. Ken “nan” lo bay culpa ta e instancianan cu tin e tarea pa controla esaki.
Diasabra marduga pa mas o menos 2’or un unidad di polis cu a bay haci su control na e establecimiento aki cu tawata carga cu hende te ariba caminda a haye den problema serio.
Un agente policial lo a resulta herida, momento cu e lo a haya un obheto parse lo ta un boter den cara. Esaki l a corta e agente cu a cuminsa sangra profusamente.
Pues un pelea unda cu e agetenan na e sitio tawata e minoria mirando cuanto hende tawata tin.
Aki a pone cu tur unidad policial den vecindario mester a laga tur otro cos para pa bay Blue Moon.
Esaki ta scenarionan cu nos kier ilustra. Unda cu mester pak aan e tipo di situacionnan manera esaki.
Nos tin un situacion alarmante di arma di candela circulando ariba caya. Un multitud unda varios hende canando cu tasnan ariba nan, cu ken sa kiko tin den a dje.
Si a start un tiroteo paden o te hasta pafo di e luga unda tur hende lo a core ?
Na yegada di e unidadnan, a logra aresta tres persona di cual uno ta e persona cu a agredi e agente policial. Mientrastanto cu e grupo aki a wordo deteni, e agente cumpliendo cu su trabou tawata wordo hiba Spoed Eisende Hulp cu urgencia, unda e mester a ricibi tratamento medico.
E agente danki Dios por a bay su cas segun nos a compronde despues, pero no ta tur ora cos ta termina trankilo paso mirando e multitud enorme e por a termina den un drama.
Transportwagen a hiba tres persona warda di Playa, manera nos a bisa entrenan e persona cu lo a comete e agresion contra e agente policial.
Mesora polisnan mirando cu si laga e luga a habri lo bay presenta mas problema a bay over na cera esaki y demas establecimientonan.
Asina nos ta mira cu Cuerpo Policial a haya un break durante e Pandemia y cu e bek na normalidad a trece su challangenan bek di tur weekend ariba nos Isla. Unda cu polisnan mester acudi na varios establecimiento cu no ta mantene nan mes na e orario di ciere y bisanan tur weekend e mesun credo, ” Bo mester cera”.
