ORANJESTAD, Aruba – 01 di juni 2021: Aruba Bank tawata patrocinador oficial di You Inc. seminar 2021 di Rotaract Club of Aruba. E institucion financiero a sostene e iniciativa cu a carga e nomber di “Reinventa Bo Mes”.
Topiconan cu a ser menciona y elabora durante e seminario tabata con pa reinventa bo mes, salud mental, branding personal, bo propio finanzas, entrepreneurship y diferente skills con pa lidera den e mundo actual.
E orador principal e aña aki tabata e conocido entrepreneur, Jandino Asporaat, fundador di Het huis van Asporaat y autor di DINO. E comediante, famoso pa su rol di “Judeska” tin un trayectoria extenso y un historia iteresante di con ela yega na exito.
E seminario a conta cu un grupo di panelistanan tambe cu a forma parti y conta nan experiencia ariba diferente topico menciona. Personanan cu a forma parti di panel tabata: Rocio Burgos, Herrick Henriquez y Johnny Boekhoudt.
E seminario a ser presenta pa Larissa Bermudez y Jair Versprey cu a sa di duna un bon presentacion pa anima tur cu a sintonisa e seminario den e confortabilidad di nan hogar.
Un pabien na e miembronan di Rotaract Club of Aruba pa un tremendo seminario.