E proyecto di renobacion y construccion recientemente a reanuda na Horacio Oduber Hospital. E prome enfoke ta pa caba e di tres y di cuater piso di e edificio ya existente y tambe termina cu e parti cu falta di e compleho nobo di salanan di operacion. Den cuadro di e renobacion di salanan di operacion lamentablemente departamento di radiologia tambe ta wordo afecta mirando cu un parti di e departamento aki ta localisa net abao di e compleho di salanan di operacion.
Mirando cu siguridad di empleadonan, pashent y cliente semper ta na prome luga a busca di biaha luganan alternativo pa muda e ekipo necesario pa por sigui brinda e servicio di radiologia.
Tene bon na cuenta si bo tin cu haci test na departamento di radiologia:
– Pa tur test di röntgen (X-ray) acudi na bali 1 di departamento di radiologia den Hospital.
– Pa tur test di CTscan y MRI acudi na bali di CT/ MRI den Hospital.
– Pa tur test di echo policlinico y test di mamografia e pashent por acudi na e parti patras di Hospital. Dilanti Aqua Windie’s lo tin borchi pa guia’bo. Pasa cu bo auto di biaha patras y lo tin borchi pa guia y alabes un miembro di siguridad pa yuda bo pa asina bo acudi na e localidad corecto pa registra y hasi bo test.
E cambionan aki lo ta vigente te cu proximo aviso y tanten cu tin construccion andando na e areanan afecta. Nos ta pidi comunidad comprension pa e situacion y ta gradici di antemano pa e pashenshi. Nos a trahando duru pa minimalisa e molester y e retraso cu esaki por causa. Pa cualkier informacion tocante testnan por yama Hospital su departamento di radiologia na 5274520.