Home Police Un persona levemente herida den accidente entre 3 auto

Un persona levemente herida den accidente entre 3 auto

SHARE

Avenida Milo Croes – Diadomingo merdia algo prome cu 12’or polis di trafico a wordo manda na e crusasa di Avenida Milo Croes cu Awakatistraat, unda lo tin un accidente cu hende herida. Esaki ta e crusada di ex-Kooyman na Dakota.

Na yegada di polis di trafico e ta topa cu tres vehiculo y un persona adulto herida. Na prome instante a pensa cu lo ta un criatura tawata herida, pero esey no ta e caso.

E autonan envolvi ta Jeep Cherokee, un Kia Rio y un Ford Escape.

Loke a sosode tawata cu e Jeep a subi e crusada for di Bazinstraat y no a duna preferencia na e Kia Rio pasando. Di e manera aki e la dal e Kia mande dal contra e Ford Escape cu tawata ariba e parti di Awakatistraat pa subi caminda.

A pidi pa un ambulance y su yegada Paramediconan a controla un señora, pero na final e no tawata desea di bay Hospital.