Home Local Mientras ta campaña den full swing pafo, Sr. Abath ta sigui wordo...

Mientras ta campaña den full swing pafo, Sr. Abath ta sigui wordo interoga relaciona cu Avestruz

SHARE

Vondellaan  – Diadomingo for di oranan trempan minetrqs cu politiconan ta campaña ariba caya, interogacionnan tawata continua na oficina di Landsrecherche na Vondellaan. 

Sr. Abath a wordo baha eynan for di oranan trempan, unda cu dado momento e lo tawata desea pa su abogado tey hunto cu ne.

Esey a sosode tambe, y su abogado Sr.Maldonado a presenta y algo prome cu 4:30 interogacion a termina.

Manera ya ta conoci Sr. Abath y un grupo prominente den comunidad ta envolvi un di casonan grandi di corupcion den Historia di Aruba.

Ministerio Publico: “Desde 11 april ultimo Landsrecherche a haci un total di seis detencion den cuadro di e investigacion di delitonan di corupcion posiblemente cometi y otro hechonan castigable relaciona cu otorgamento di terenonan di gobierno entre 2009 y 2017. Dos sospechoso ta deteni ainda”.

Ministerio Publico: ” E expectativa ta cu e investigacion lo ta cla dentro di no mucho tempo y cu e proces-verbaal final lo wordo entrega na Ministerio Publico. Den e periodo venidero lo tin algun detencion mas“.