Home International Homber (26) ta wordo sospecha di canibalismo, e la mata su mama...

Homber (26) ta wordo sospecha di canibalismo, e la mata su mama (66) y hunto cu su cacho a come parti di e curpa

SHARE

Madrid, Spaña:
Un homber spaño ta wordo sospecha di a mata su mama, y despues hunto cu su cacho a come parti di e curpa di e mama.

Alberto Sanchez Gomez, na 2019 na edad di 26 aña a keda deteni despues di un entrada hudicial na su cas na Madrid.
E homber di 26 aña a wordo sorprendi pa autoridad, na momento cu e lo tabata bay pa come carni cu despues a resulta di tabata procedente di curpa di su propio mama, cu e la mata algun siman prome.

E agentenan policial a bin topa den e cas, varios containernan di plastic cu partinan humano cla prepara pa wordo cushina. Despues di un investigacion, a bin comproba cu ta trata di partinan humano di e curpa di mama di Alberto. E dama a wordo asesina pa su mesun yiu.

E detayesnan di e caso cruel aki, siman pasa a keda conoci durante un caso den corte. Durante tratamento di e caso a sali na cla cu e sospechoso, a mata su mama y a corta e curpa na pida pida. E sospechoso su so no lo a come e partinan di curpa di su mama, pero a cria su cacho tambe cu esaki.

E sospechoso mes ta keda bisa cu e no ta corda nada di e supuesto canibalismo aki. E sospechoso ta luchando pa hopi aña aba cu un desorden di personalidad y relaciona tambe cu problema di addicion di droga. Den pasado hopi biaha polis a bay na e cas pa e violencia cu e sospechoso tabata usa contra su mama. E sospechoso tabata conoci di polis y cu 12 antecedente penal, cual mayoria tabata di maltrato di su mam. Te hasta tabata tin ordo di Hues cu e no ta permiti pa yega na cas di e mama, pero e mama mes tabata permiti su yiu keda na su cas.

Segun un bisina e sospechoso lo a mata su mama durante un pleito grandi cu tabata tin den e cas, esaki lo a sosode den careda di 6’or di mainta, cu nan tabata tende gritonan masha duro saliendo for di e cas y despues a keda keto. Un amiga di e mama a ripara cu e tin mas cu un luna sin mira of tende di e Soledad (66) mama di e sospechoso. E amiga a bay raporta Soledad como desapareci.

E caso ta den full swing y Ki castigo e sospechoso lo por bay haya no ta conoci ainda.