Brian Hugh Warner, di 52 aña, conoci bou di su nomber artistico Marilyn Manson, ta un cantante Americano, e nomber aki ta un artistico aki ta combinacion di e nomber di Marilyn Monroe, kende ta un conocido sex symbol y Charles Manson, kende ta un conocido criminal cu a pasa mas di mita di su bida den prison. Durante añanan 1971/72 e la wordo sentencia cu Death penalty.
Dialuna, e dama Evan Rachel Wood, a sali bin dilanti y a bisa cu Marilyn Manson ta e homber cu pa añanan largo a abusa di su persona. Na 2018, e victima a declara esaki caba, cu e tabata den un relacion abusivo. Dialuna a sali na cla cu e abusado tabata Marilyn Manson.
Despues cu Wood a menciona publicamente cu Marilyn Manson a abusa di su persona, cuater otro muhe a sali bin dilanti bisando cu nan tambe a wordo abusa pa Marilyn Manson.
Manson mes ta desmenti tur e acusacionnan aki y ta bisa cu e no ta ni reconoce su mes den e storianan di Wood y di e otro cuater muhenan.
Segun Manson a pone riba su instagram ‘Mi trabou y mi bida semper a atrea controversia, pero e mas recien acusacionnan aki dirigi na mi persona ta serio, nan ta trociendo e berdad.’ Segun Manson su relacionnan intimonan cu e tabata tin, tur tabata semper mutuo. E hecho cu otronan awo ta kies pa troce pasado y pakiko, no ta kita nada cu esaki ta e berdad. ‘
E compania discografica cu ta produci Mansons su musicanan a anuncia for di dialuna caba, cu nan no lo sigui traha cu ne y si autoridad lo bay haci un investigacion no ta conoci ainda.