Vienna – E curpa di un homber di 66 aña di edad a keda dos luna largo den su apartamento den e parti oost di e capital di Vienna, debi cu dia e la fayece un cas funeral a lubida di buske.
Un combinacion di foutnan y falta di comunicacion, tawata loke e director di e funeral home a declara.
E homber aki tawata biba su so y despues di tawata pa un tempo largo malo na cama e la wordo haya sin bida november 11 2020. Un bisiña cu tawata tira bista ariba dje ta esun cu a haye y mesora a avisa autoridad. Segun e bisiña e homber no tawata tin ningun famia of amigo.
Mientrastanto dianan a pasa y e bisiña a pensa cu e homber lo a ricibi un entiero digno, pero ariba januari 27 2021 a bin topa cu e curpa ainda den e apartamento. E la drenta den e apartamento hunto cu notario pa busca testament di e homber.
Segun directeur di e funeral home nunca algo asina aki a yega di pasa na Vienna. E lo a laga haci un investigacion interno di e caso aki.
Mientrastanto ainda ta buscando si e homber por tin famia cu lo kier regla su entiero. Si no haya ningun hende, gobierno mes lo haci esey.