Collégien, Seine-et-Marne, Francia: Polis mester a bay para un fiesta y a bin topa cu un Orgie di 81 participante tur a haya boet pa viola e medidanan di Covid-19.
Polis na Collégien, den e departamento Seine-et-Marne, a cuminsa diabierna anochi cu un investigacion despues di a haya varios yamada di habitantenan den un bario cerca na Collegien, segun e habitantenan den un hanchi cerca di e Highway A4, tin un fiesta ta tumando luga den un warehouse. Mirando cu polisa haya varios yamada nan a dicidi di bay mira kiko ta pasando
Na momento cu e polis a yega na e warehouse, nan a mira algun persona riba e parkinglot, tabata trata di 11 persona, nan tur a haya boet pa violacion di Toque De Queda. Despues cu a polis a consulta cu Oficialnan di Husticia, nan a duna e polisnan permiso pa drenta den e warehouse caminda lo tabata tin un supuesto fiesta.
Na momento cu nan a habri e porta pa nan sorpresa nan a ripara cu no ta trata di un fiesta, pero di un orgie di basta grandi. Un total di 81 persona tabata bezig cu otro den e lugar y mas cu claro niun no tabata mantene e distancia social di 1.5 meter. Polis mesora a duna tur un boet pa viola tur medida di Corona, tambe nan a confisca tur e ekipo di audio y luz.
Tres sospechoso a keda deteni pa interogacion na warda di polis. Polis lo sigui cu e investigacion pa haya e identidad di e organisado di e Orgie aki.