LONDEN – Polis na Londen a stop un fiesta di casamento cu 400 invitado cu tawata tumando lugar na un scol. Segun e reglanan vigente pa cu coronavirus un maximo di 6 persona mag di ta presente na un fiesta di casamento.
Tur bentana di e scol tawata tapa pa evita cu hende por wak paden. Polis a haya melding di e fiesta y ora agentenan policial a yega, nan a mira cu tawata tin cientos di hende den e lugar. E organisador di e fiesta a haya un boet di 10.000 pond (11.221 euro).
„Esaki ta un kiebro di regla inacceptabel”, segun hefe di polis local. „E reglanan aki a wordo implementa pa salba bida y pa alivia e peso ariba cuido di salud.”
Autoridadnan a declara diahuebs cu e boet pa esnan cu asisti na fiesta na Inglatera lo wordo aumenta te cu 800 pond (900 euro).