Home International Pintura mas bieu di mundo haya den grot na Indonesia

Pintura mas bieu di mundo haya den grot na Indonesia

SHARE

MAKASSAR – Den un grot na e isla Indones di Sulawesi a wordo encontra e pintura di mas grandi cu a yega di ser haya den un grot. E pintura di un especie di porco a wordo traha mas di 45.000 aña pasa. Esaki ta nifica cu pintura aki ta 1.600 aña mas bieuw cu e pintura cu te awor a wordo considera como esun di mas bieuw, y cu tambe a wordo haya na Sulawesi.
E pintura aki ta den e grot, na un lugar isola, cu solamente ta accesibel durante periodo di secura.
E pintura a wordo haya door di e archeologo Indones Basran Burhan, cu ayudo di un tip di un tribu residencia den cercania di e lugar. E tip aki a hibe na e grot. Eynan Burhan a mira e pintura di e porco di 1 meter y 36 di hancho y 54 centimeter di largo. E porco ta parce di ta mirando dos otro porco pero esakinan no tawata suficiente bon preserva y no ta bon visibel.
E imagen mes lo por ta ainda mas bieuw cu 45.000 aña. Ta hopi probable cu e pintura a wordo traha door di hende, pero no por descarta cu e artesano tawata un tipo di neanderthaler. Mas investigacion di e palmanan di man cu a wordo encontra banda di e pintura, lo por produci DNA, cu lo por duna mas claridad tocante esaki.
E pintura a wordo traha cu un verf corra. Cu e artesano a dicidi di pinta porco no ta algo sorprendente. Desde cu hende ta biba ariba e archipelago Indones, e tawata custumbra di jaag ariba e porconan aki.